Home

مع بداية تموز شهر مار شربل

1 July 2017 Équipe sawt el rab Saints


مع بداية تموز شهر مار شربل
هالقديس اللي وصل صيتو حتى أقاصي الأرض ولمست أعاجيبو أعداد هائلة من البشر حول العالم
مندعيكون أخوتي للتأمّل بهالكلمات الرائعة اللي قالون هالقديس العظيم ونشالله نقدر نكون على مثالو ونطبّق هالأقوال بحياتنا اليوميّة

“السلاح الأساسي الأوّل ضدّ الشيطان هو الصدق. كلّ كلمة صدق بتقولها هي سهم بترميه بقلب الشرّير
وكلّ إعتراف صادق بالخطيّة هو رمح بتخرق فيه قلبو
“والسلاح الأساسي الثاني هو التواضع
الصدق والتواضع يعني الإعتراف. اعترف بخطاياك بتقتل الشرّ اللي فيك
“كلّ همّ الشيطان إنّو يلهيك عن الله. انتبه! بيحاول يلهيك عن الله حتّى بأمور الله: بيلهيك عن معنى الكلمة اللي عم تصلّيها بالكلمة ذاتها، بيلهيك عن تسبيح الربّ بلحن النشيد اللي بتسبحو فيه. بيلهيك عن الله بالصلا يللي عم بتصلّيلو ياها
“تذكّر منيح إنّو ما فيك توقف بوجه الشيطان إذا ما فيك تركع قدّام الله. الشيطان ما بيجي من الشبابيك والطوق اللي سهران عليها ومسكّرها منيح. الشيطان بيجي من الباب اللي فاتحو تا تستقبل منّو”(كلمات مار شربل

شهر مبارك

إعداد ريتا من فريق صوت الرب


Share