Home

ذكريات الميلاد

29 December 2017 Christmas


بالبال بيي البقى بيليلة الميلاد. يقعد لوجه الصبح عالخير يهدينا
ويشرح شو يعني ولد مين افتدى العباد. نعرف خطايانا انمحت بيصلب فادينا

وعاحلول روح القدس يشرحلنا الابعاد. وكان بوصايا العشر عا طول يحكينا
اكرم يا ابني الاهل بتقدس الاحاد. واياك يا بني الزنى الله بيجازينا

عشنا القناعة بتقى يا ريتها بتنعاد. جمعة العيلي المسى بالعيد تكفينا
والوعد كان الصبح نلبس تياب جداد. ونركض نفرجي سوى ستي قواعينا

كنا نعيش الفرح بمواسم الاعياد نعايد قرايبنا سوى نحنا واهالينا
واليوم وين الهنا نص الولاد بعاد. يا رب تبنا الك رجع امانينا

الشاعر نعمة الصغبيني

 


, , , , ,

Share