تأمل أحد شفاء الأبرص

قد شئت فإطهر

قبل بيوم من لقائه بالابرص كان يسوع حزين لكثرة امراض البشر لدرجة انه ترك كل العالم يللي جايين يشوفوه ويستمعوا له وقام قبل طلوع الضو وراح يقعد لحاله مع الاب السماوي والروح القدس، ومين بيعرف شو كانوا عم يحكوا؟ هيداً سؤال مش صعب الاجابة عليه لانه اكيد كان يسوع عم يبكي على وضعنا وضعفنا البشري ويطلب من والده انه يسرّع موت الصليب لحتى يكون الخلاص للجميع، وكان الآب السماوي واقع بحيرة بين صلب ابنه او صلب البشرية وكلاهما أمرّ من بعض. بلا طول سيرة، يسوع عارف انه رح يلتقي بالابرص ومستعجل حتى يقول له :”قد شئت فإطهر”، وعمل برمته وصار ناطر الابرص حتى يجي لعنده، بهالوقت كان الابرص عايش حياته وهو عم ينتظر الموت مش عارف انه رب الحياة موجود على الارض ومعه لن يكون موت. وإجت الفرصة انه يلتقي برب الحياة وثقته بيسوع كانت كافية لحتى يختصر كل الكلام ويقول له :”إن شئت فأنت قادر ان تطهرني”. كلمات قليلة جداً وجواب يسوع عليها كان بكلمات قليلة
يا اخوتي نحن بالوقت الحاضر عايشين مرض البرص بطريقة حديثة فيروس كورونا خلانا نكون معزولين عن بعضنا البعض وخايفين من بعضنا البعض وعلى بعضنا البعض، ومنقول يا الله وينك؟ ليش مش عم تتدخل؟ ليش تاركنا لمصيرنا. لكن مش عارفين انه الدواء كتير سهل، لازم نكون متل الابرص ونوثق بيسوع لانه هو الحياة، لانه هو الطريق، لانه هو المخلص.
من الفين سنة قال الابرص بثقة :”إن شئت فأنت قادر ان تطهرني” وجواب يسوع كان فعل رحمة ويسوع بذاته رجع طلب من رسولة الرحمة الالهية القديسة ماريا فوستين،
(٢٢/ ٢/ ١٩٣١) انه ترسم صورته وتكتب تحت منها عبارة :”يا يسوع إني أثق بك”. جملة إذا قلناها من القلب بتكون قادرة انه تشفينا من امراضنا الروحية والجسدية، وساعتها رح يجاوبنا يسوع نفس جوابه للأبرص :”قد شئت فإطهر”.
يا يسوع بهيدا الزمن المبارك وخاصةً في احد شفاء الابرص منقول لك انه “نحن منوثق فيك” لأن الخلاص لن يكون إلا من خلالك ونحن أكيدين من جوابك الشافي.

إعداد إيلي أبو زيدان

Post Grid #1

تبرع بجهاز كمبيوتر للطلاب في لبنان

تبرع بجهاز كمبيوتر للطلاب في لبنان

sawtelrabأبريل 14, 20211 min read

“يحب الله من يعطي بفرح. “2 كو 9: 7تبرع بجهاز الكمبيوتر الخاص بك أو تبرع بتبرع للطلاب المحتاجين في لبنان لثلاث مدارس كاثوليكية.مهما كان مقدار مساهمتك ، تأكد من أهميتها…

وعظة سيادة المطران إبراهيم إبراهيم في شعنينة 2021

وعظة سيادة المطران إبراهيم إبراهيم في شعنينة 2021

Mariaمارس 29, 20212 min read

شعنينة 2021 يسوع المسيح! شو بدو منا؟ هل بدو منا إحتفالات واستقبالات وهتافات ونشاطات؟ بدو نستقبلو بأورشليم أو بدو نستقبلو بقلوبنا وضمايرنا؟ يسوع اليوم بدو يانا نكون متل ما سمعنا…

من لمسني؟

من لمسني؟

Mariaفبراير 21, 20212 min read

من لمسني؟(إيمان الانسان وكلمة الله). بهيداك الوقت كان في إمرأة نازفة وما كان حدا يعرف يشفيها (متل وضعنا الحالي)، أنفقت كل اموالها حتى تشفى وترجع بين اهلها واحبائها، لكنها وبعد…

تأمل أحد شفاء الأبرص

تأمل أحد شفاء الأبرص

Mariaفبراير 8, 20212 min read

قد شئت فإطهر قبل بيوم من لقائه بالابرص كان يسوع حزين لكثرة امراض البشر لدرجة انه ترك كل العالم يللي جايين يشوفوه ويستمعوا له وقام قبل طلوع الضو وراح يقعد…

مقالات

تقدمة جراحات سيّدنا يسوع المسيح المقدّسة ودمه الثمين الموحاة للقديسة بريجيت

تقدمة جراحات سيّدنا يسوع المسيح المقدّسة ودمه الثمين الموحاة للقديسة بريجيت

sawtelrabيناير 31, 2021

تقدمة جراحات سيّدنا يسوع المسيح المقدّسة ودمه الثمين…

يـا ساكـن بالقربانـة/Ya saken bel2erbani

Mariaيناير 28, 2021

يـا ساكـن بالقربانـة Ya saken bel2erbani يا ساكن…

شـو حلـوة السـمـا / Chou 7elwi lsama

Mariaيناير 28, 2021

شـو حلـوة السـمـاChou 7elwi lsama شــــو حلــوة السمـا…

Load More