خيي للأب شارل حتي الأنطوني

  • هيئتك … مش عم تفحص ضميرك يوميّاً.

  • هيئتك … مش عم تعمل القراءة الربّية يوميّاً.

  • هيئتك … مش عم تقرا قراءة روحية كل يوم.

  • هيئتك … مش عم تسجد قدّام القربان.

  …خيّي بونا شارل

  • انتَ مهموم…

  • انتَ خايف…

  • انتَ فزعان…

  • انتَ بدّك تهرب…

  …خيّي بونا شارل

  • نسيت إنّو يسوع قلّنا “تعالوا إليَّ ايها المتعبين والمثقلين بالاحمال أنا اريحكم …”؟

  • نسيت إنّو يسوع قلّنا بالانجيل 365  مرّة “لا تخافوا” لكلّ يوم من السنة مرّة؟

  • نسيت إنّو يسوع وقت كانو التلاميذ خايفين بالسفينة قلّن “يا قليلي الإيمان” وهدّا البحر؟

  • نسيت إنّو بطرس مِشِي عَلى المَيّ وقت يلّي قلّو يسوع تعا لَعِندي وهوي غرق وخاف وقت يلّي تطلّع بحالو؟

  …خيّي بونا شارل

  •  تذكّر، يسوع قلّنا باسمي تطردون الشياطين

  • تذكّر، يسوع قلّنا ندعس على الحيّات وما نخاف

  • تذكّر، يسوع طلب منّا نسبّقو على الجليل وهونيك منشوفو … والجليل كلّ محلّ بتبعتنا إلو الطاعة

  • تذكّر إنّو يمكن ما تعرف يسوع متل تلاميذ عمّاوس بس كون أكيد إنّو هوي حَدَّك متل ما هوي حَدّ الكلّ

  …خيّي بونا شارل

  • إنتَ بتعرف الطريق بس متردّد …

  • إنتَ بتعرف الطريق بس خايف …

  • إنتَ بتعرف الطريق بس في إشيا عَم تِلهيك …

  • إنتَ بتعرف الطريق بس … مش عَم تِمشيا …

  …خيّي بونا شارل

  • مريم بتسمعْلَك متل ما بتسمع للكلّ،

  • مريم بتحميك متل ما بتحمي الكلّ،

  • مريم بتخلّصَك من المشاكل متل ما بتخلّص الكلّ،

  • مريم هيّي إمَّك متل ما هيّي إمّ الكلّ.

 خيّي بونا شارل … لح قلَّك متل ما قالو للأعمى يلّي كان على جنب الطريق بأريحا … تشجّع قمّ إنّه يناديك.

الأب شارل حتّي الأنطوني

دير مار روكز – الدكوانة

9-11-2015

]]>