يا رفقاتي يلي بالسما الأب شارل الأنطوني

يا رفقاتي يلي بالسما … نيالكن

نحنا عنّا كره … وإنتو عندكن محبة –

نحنا عنّا حسد … وإنتو عندكن تضحية –

نحنا عنّا كذب … وإنتو عندكن مسامحة –

نحنا عنّا التّشوه … وإنتو عندكن الجمال –

 ——————————————-

يا رفقاتي يلي بالسما … نيالكن

نحنا عنّا كآبة مستمرة … وإنتو عندكن فرح ما بينوصف –

…نحنا عنّا مرض وجع وألم وصلبان … وإنتو ما عندكن ياهن كلن –

نحنا منحاول نتخايل شو عندكن … وإنتو بتقولولنا يلي عنا ما خطر على قلب بشر –

نحنا عنّا كل الظلمة… وإنتو عندكن كل النور –

 ——————————————-

يا رفقاتي يلي بالسما … نيالكن

نحنا منفكر إذا راح حدن لعندكن هيدي آخر الدّني –

   وإنتو بتقولوا هيدي بداية الحياة

نحنا منقول عنّا هون بيخلص كل شي…وإنتو بتقولوا عنّا هون ببلش كل شي –

نحنا منقول هيدي النهاية … وإنتو بتقولو هيدي البداية –

نحنا منقول ما في شي عنّا … وإنتو بتقولوا كل شي عنّا –

  ——————————————-

 يا رفقاتي يلي بالسما … نيالكن

نحنا عنّا المرض … وإنتو عندكن الطبيب –

نحنا عنّا الخطأة … وإنتو عندكن الغفور –

نحنا عنّا القلوب المنكسرة … وإنتو عندكن جابرالقلوب –

نحنا عنّا حمولة تقيلي … وإنتو عندكن الحامل –

نحنا عنّا النقص …وإنتو  عندكن الكمال –

 ——————————————-

يا رفقاتي يلي بالسما … نيالكن

 نحنا عنا القربانة … وإنتو عندكن المسيح –

نحنا عنّا المسبحة … وإنتو عندكن إمنا العدرا –

نحنا عنّا العجيبة … وإنتو عندكن القديسين –

نحنا عنٌا الملاك الحارس … وإنتو عندكن كل الملايكة –

نحنا مبسوطين وشايفين حالنا انو شربل، رفقا، نعمةالله، يعقوب واسطفان هني من   عنّا … وإنتو بتقولولنا هني ناطرينا عندكن –

——————————————-

يا رفقاتي يلي بالسما … نيالكن … نيالكن … نيالكن

——————————————-

الأب شارل حتّي الأنطوني

دير مار شربل / ملبورن

 ٢٨ / ١٠/ ٢٠١٥

]]>