الجمعة, مارس 29, 2024
No menu items!

"My sheep hear my voice,
and I know them, and they follow me."
John 10:27

Homeوجدانيات / تأملخي بونا شربل الأب شارل الأنطوني

خي بونا شربل الأب شارل الأنطوني

<![CDATA[

Web Abouna

 … خيّ بونا شربل

     كنت زورك أنا وصغير

     كنت حب كتير المحبسة

    كنت اعشق ريحة السنديانات العتاق والوزالات

     كنت خاف من الهدوء والصمت والسكينة فوق

     كنت إهرب حتى ما واجه حالي

————————————-

… خيّ بونا شربل

      ! بقولو عنك قديس …صح

      ! بقولو عنك انك بتعمل (بقدرة الله ) عجايب كتير… صح

     ! بقولو عنك إذا ما سمعنا كل يوم إنو في عجيبة بكون في شي غلط بالسما…         كمان صح

      ! بقولو عنك انك فوق وبعيد… يمكن صح

————————————-

… خيّ بونا شربل

     إنت بتقول كل ما بتصلوا، بكون أنا عم صلي معكن

     إنت بتقول إذا بدكن شي، أنا موجود بالمحبسة

     إنت بتقول إذا  بدكن تخلصوا نفوسكن، بسهولي تعبّدو لمريم العدرا

     إنت بتقول ما تبلشو شي عالارض مش رح ينتهي بالسما

     إنت بتقول كونوا رهبان وتلوّ العالم صلى وبخور

     إنت بتقول وبتقول أشيا كتير بصمتك

————————————-

… خيّ بونا شربل

     ليش بقلك خيّ؟؟؟…ما بعرف

     ليش بقلك خيّ؟… مع إنو ولا مرة حكتني

     ليش بقلك خيّ؟… مع إنو ولا مرة شفتك بالحلم

     ليش بقلك خيّ؟…مع إنو ولا مرة عملت عجيبة ظاهرة معي

————————————-

… خيّ بونا شربل

      …أنا ابنك صحيح

      ….أنا بعدني بأول الطريق صحيح

      ….أنا بلشت جاهد صحيح

      أنا انتصرت على اشيا وفي اشيا كتير انتصرت عليّ

      أنا بعدني صغير بس بحب عيطلك خيّ

————————————-

… خيّ بونا شربل

      …إنت فتت عالإبتدا

      …إنت عملت أخ دارس

     …إنت ندرت مؤبد

      …إنت إرتسمت كاهن

    … وبهودي كلن ما شفت امك، وانا كمان

————————————-

… خيّ بونا شربل

     بالدير صحيح ما  بتحكني … بس بسمعك

    بالدير ما بشوفك صح … بس بحس فيك

     بالدير ما بتعطي رأيك بس أنا بستشيرك بكل شي

————————————-

… خيّ بونا شربل

      بتخايلك… عم تمشي وتصلي مسبحتك

      بتخايلك…ساجد قدام القربان

      بتخايلك..راكع وعم تتأمل بالكتاب المقدس

      بتخايلك…عم تقرا قراءة روحية

      بإختصار بحس بوجودك بيناتنا ….خيي بونا شربل المجد لله

————————————- 

الأب شارل حتي الأنطوني

دير مار شربل ملبورن

 ٢/١٠/٢٠١٥

]]>

RELATED ARTICLES

Most Popular