<!–[CDATA[
شو ناطر؟
اذا ناطر الشجرة تا تنحني عالساعة ١٢. بطمنك ما تنطر
اذا علقت عجينة فيا مصاري عالباب تا تتبارك ويكتروا مصرياتك. بطمنك بلا ماتحط
اذا ناطر المسيح يمرق من حد بيتك. كمان بطمنك ما تنطرو
بدك تعرف وينو المسيح؟
المسيح ناطرك بالقداس
المسيح ناطرك تنحني بقلب كرسة الاعتراف ويعطيك رحمتو
المسيح ناطرك تتناول وتسجد قدام محبتو
المسيح ناطرك تفتحلو الباب تيباركك مع عيلتك
المسيح ناطرك تصلي تيفهم شو بدك
المسيح ناطرك بمعموديتك تيعطيك سر البنوة
المسيح ناطرك عمفارق حياتك حتى ما تضيع
المسيح ناطرك بلقمة الخبز لعم تشارك فيا خيك الانسان
المسيح ناطرك عند جارك وقرابتك وخيك تا يخبرك انو كل الممتلكات مجد باطل
المسيح عطول ناطرك تقلو نعم يا رب
وين ما كنت وقد ماتكون مغموس بقرف الخطية رح يضل ماددلك ايدو ويقلك ” اطلب تجد… انا معك حتى انقضاء الدهر
دايم دايم … وجودنا بقلب الله
المطران ابراهيم ابراهيم
]]>