الله وينو

…….الله وينو….الله مات …(هيك قال الفيلسوف (نيتشه اخوتي الله معكن…كلماتي اليوم ملفوفين بوجع بشر….بوجع عن ينزرع بعقول ولادنا وقلوبن….عالم شغلتو يسرق وجدان واحساس وايمان عيالنا ومجتمعاتنا… اسئلة عن تدور بين …ولادنا…تلعب بملاعب مصيرن وهويتن الحقيقية انن ولاد الله… سامحوني اليوم…موضوعي منو تأمل او صلا او قصة…حديثي اليوم هزة ضمير لكل واحد.منا…كنيستنا وخداما…اهلنا وعيالنا…مدارسنا وجامعتنا وتعاليمنا….كلنا مسؤولين عن وجع ولادنا….سمعو ولادكن وكونوا واعيين وصغولن…. بيسألوني كتار من شبيبتنا اليوم… …..وينو الله؟…. ….(اذا جد موجود… ليش ما بينهي الظلم والحرب والشر والقتل والخطية؟…(ما في الله ….(وينو الله؟ ليش ما بيتدخل بهالعالم لعم يغرق بالعتمة…ويخلصنا؟…( الله مش موجود …..(وينو الله؟ يأرجينا حالو؟…(الله كذبة وما بقى تضحكو علينا …..(بيحكي عن حالو انو إله محبة وسلام … والبغض والخوف عم ياكلنا….. وينو؟ (برهنولنا انو موجود ….(بتقولو وبتوعظو عنو انو إله قوي… إله غلب الموت…وينو؟ …(الله مات…وما الو وجود خلقتولنا الله وقلتولنا انو موجود قبل الخلق ..من الازل للأبد….بس وينو؟…خللي يظهر تنسجدلو؟… خلص يا ابونا…بيكفي تستغللو عقولنا….الله مات….. وأسئلة كتيرة ما بتخلص…وينو الله؟….

الله مات….ايه بيي ايه….مات…بتعرفو ليش؟… لحقوني وسمعوني…. بيي…. سألتو كيف مات؟ سألتو حالكن مين قتلو؟ دورتوا عالقاتل وشو اداة الجريمة؟….راجعتو ذواتكن شو دوركن بموت الله؟… (من اول الدني الله خلق الكون وقال هالشي كتير منيح….(سفر التكوين وسلم كل شي للانسان وقلو وكلتك عكل هالكون تتخدموا وتحمي…بس لحظة؟ دخلكن الله ما غلط بهالكلمة…وقت قال سلطتك عالكون؟ مشوا معي تنعربش انا وياكن ع سطح الحياة ونتفرج ع فيلم حياة بشريتنا… نقرا وصايا الانسان ل الله… 1- عطانا الحرية….قدمنالو عصياننا.. 2- عطانا الطهارة….قدمنالو خطيتنا… 3- عطانا المعرفة….قدمنالو جهلنا… 4- عطانا الايمان….قدمنالو اجحافنا… 5- عطانا السلام….ردينالو خوفنا… 6- عطانا الكرامة…قدمنالو ذلنا وعارنا… 7- عطانا القوة والجرأة….قدمنالو ضعفنا وخجلنا… 8- عطانا الحب الامانة….قدمنالو حقدنا وخيانتنا …. 9- عطانا ابنو…. قدمنالو الصليب… 10- عطانا الحياة….قدمنا لذاتنا الموت…

هودي هدايا الله النا…وهودي بسببن عم نقتل الله … هودي رسايل الله النا…وهودي بسببن عم ننكر الله. هودي وصايا الله النا…وهودي بسببن مات الله… ………..هيدا الله…………..وهيدا نحنا…….. وبتسألوني الله وينو؟ فيكن…دوروا جواتكن … وبتسألوني الله وينو؟ بوجوهكن…شوفوا فيكن… وبتسألوني الله وينو؟ بقلوبكن….عيشوا فيه بتلاقوا… وبتسألوني الله مات؟…بقلكن شغلة؟… سألتو حالكن ليش نحنا منموت؟ ما سألتو حالكن لحظة..انو الله عم يسأل عنكن..ويقول وينو هالانسان؟… شو بتقولو اذا شي نهار الله قال؟:..(الانسان مات)… نتبهوا يا بيي…ما تتركوا الله يموت فيكن… …اخوتي يا ولاد الله … تأكدوا قد ما تبعدوا وتشكوا وتخونوا الله…ما رح يترككن بتعرفوا ليش؟ ﻷنو بيحبنا…ايه بيي ايه…بيحبنا… الله حب ما بيموت. تصبحوا ع خير…يا مجانين يسوع.. …ب.ج…

——

الاب بطرس عاقوري

This site is also available in: French |, Arabic |

]]>